Naranasan mo na bang madapa sa harap ng ibang tao, yung super karengkeng pa nung lakad mo tapos di mo napansin na wet floor pala. Tapos nadulas ka ng una ang pwet, habang pinagtitinginan ka ng sangkaterbang tao. Kung oo, siguro alam mo na ang ibig sabihin ng POISE.
POISE-/poyz/calm self-assured dignity, especially in dealing with social situations.
Iyan ang pagkakadefine ni Mareng Encarta sa salitang iyon. Kukunsultahin ko si Mareng Mirriam Webster, kaso ayaw na ni Pareng Tumbong na tumayo.
Napakahalaga nga naman ng POISE sa araw-araw nating pamumuhay. Isipin mo kung walang POISE, paano mai-didistinguish ang mga may pinag-aralan sa mga no-read-no-write. Ano pang silbi ng Masters at Doctorate degree? Kung walang POISE, wala nang dahilan upang ipagyabang ang mga iyan.
Ang maganda lang, kung walang POISE, hindi na kahiya-hiya ang mga sitwasyon na katulad ng nabangit. Without considering POISE, we can be ourselves more easily. Pwede nang magkamay sa 5-star resto, mangulangot sa loob ng jeep, umutot sa de-aircon na classroom at mangamot ng singet habang nakaformal attire. O diba, mas dumadali ang buhay!
Sa panahon ngayon kung kelan importante pa ang POISE, dapat nating panatilihin ang walang damage na POISE. Dito na pumapasok ang tinatawag nating ‘escapegoat’ o ‘palusot’.Kung gaano kaimporatante ang POISE, ganoon din ang level ng palusot. Itong palusot na ito ang magliligtas sa ating mga POISE kapag sila’y napunta sa bingit ng kamatayan.
Ito ang mga ilan sa mahahalagang sitwasyon sa mundo ng POISE at palusot. Nawa’y makarelate kayo.
1. ‘May nakahuling bukas zipper mo.’
-Sabihin mo, “Ganyan talaga ako, gusto ko open sa inyo!”, sabay takbo.
2. ‘Napatid ka.’
-Umarte ka na parang may hinahanap. Tapos pag may tiyempo na, tumayo ka at sabihing nakita mo na. Effective to, promise!
3. ‘Nadapa ka habang posturang postura ang damit mo.’
-Tumuro ka sa isang side, tapos sabihin mo na may bumaril sa iyo. Dumapa ka lang opara makailag. Hindi to effective, promise!
Ilan lang yan sa mga sikat na sitwasiyon sa mundo ng P&P (POISE at palusot).
Ating tandaan: ang bawat sitwasyong kahiyahiya ay maliligtasan natin basta tama lang ang diskarte natin at witty tayo. Kung makapal-kapal ka naman, pwede ka na lang magtuloytuloy na parang walang nangyari.
That’s it, folks!
P.S.
Special thanks to palusot.com! Napatawa nyo din ako!
Blogs atbp. 